Entrée Mpikororoka ampombo
Mots élémentaires mpikororoka ; ampombo
Partie du discours nom propre (titre de poème) [liste complète]
Auteur Rajaobelison Samuël
Texte 
Milina mpitoto injao migoboka ao,
Ampombo be miavosa an-tsisin'ny tamboho;
Indro vehivavy hatsatra sy lao
Mitondra am-babena zaza miamboho.

Rehefa feno ampombo ny gony kely nentiny,
Nataony an-doloha, ny masony efa lalina!
Hokororohina io sitrany hisy ventiny,
Na kely ihany aza hiantoka ny alina!

Etsy ambody hazo ny zaza mitomany,
Ditsoky ny ampombo ka mangarom-bava;
Hontsa ho'aho ilay reny raha mahita izany,
Ka mody velon-kira miantsa dridralava

Tapaka kapoaka!… lohavary mena!
Izay no kororoka namonoana ny andro!
Nitsangana Ingory hamonjy ny babena,
Dia lasa Ramatoa hanokona nahandro.
Vocabulaire 
Tableaux et planches Tous les titres

Mis à jour le 2023/10/21