|
|
|
 | |
| Entrée | 1 Indray andro tao Sahabe |
| Mots élémentaires | 2 indray, 3 andro, 4 Sahabe |
| Partie du discours | 5 nom propre (titre de poème) [Liste complète] |
| Vocabulaire | 6 Littérature: poèmes |
| Auteur |
7 Andry Andraina |
| Texte complet |
8 Loharano kely tsy dia manahoana 9 Mivoaka avy eo am-pototr' i Mandraka, 10 Toa tsy maika, tsy manenjika fotoana, 11 Mihoatra aza, varian-drery, mitanàka ; 12 Roso, kely halalina maharitra, 13 Raha itsakana tsy tafakatra hafe, 14 Loharano ety maso, kely faritra, 15 No manome ny renirano Sahabe. 16 Ny tany bezanozano no vakiny, 17 Lalovany tsy azon' antso i Moramanga, 18 Mianavaratra ny lalana zohiny, 19 Madio, tsy omban-tany, tsy haroin' antsanga. 20 Antsihanaka amin'izy marim-boho 21 No idirany rano efa be velarana, 22 Mandalo andrefan' ny vohitr' Ambaiboho, 23 Any Alaotra ny diany no mifarana. 24 Indray taona izay, tony indrindra ny voary 25 Nanemitra ny renirano Sahabe, 26 Ka ny fotoana, teo, sendra masa-bary, 27 Dia notorian'ny feo tetsy sy teroa re : 28 Ao ny siokan’ny salohy navesa-boa 29 Nafafin'ny onja tokam-bolo tazana, 30 Ny kiakiakan’ny fody, mba nanako koa, 31 Nampiloatra ny hafalian-tsy ahombiazana ; 32 Ao ny kotaban'ny gisa, kanakana. 33 Nitobahan-tsakafo, toa nilanona, 34 Ny omby nimà, manim-bala na kijana, 35 Nefa voatery hiasa tsy an-kijanona ; 36 Ao ny olona, nangina dia tanteraka, 37 Nijinja, variana, nanadino trano, 38 Na nitaona, nitety, kaoka, reraka. 39 Ny tetezan-kazo nitatao ny rano. 40 Io no tetezana, foana arofanina, 41 Angamba efapolo metatra halava, 42 Hamitana zavatra iray nomanina, 43 Zavatra tsy mora tantarain’ ny vava. 44 Tamin' izany, nisy fihetseham-baovao 45 Nanova ny tontolo tony ranoray ; 46 Sahabe aza, gaga ireo mananaina teo, 47 Ka taitra ny trondro, zendana ny voay. 48 Avy andrefana, avy atsinanana, 49 Tamy, andia roa lavitra ny ho faly, 50 Nasesin’ny olona ombam-basy an-tanana, 51 Vazaha sy miaramila soanagaly. 52 Tantsaha nisy zato lahy mahery, 53 Nitafy soga, jiafotsy, sikim-bory 54 Samy naradratra, nisoliti-pery, 55 No teo, indreo, nampihaonina, navory. 56 Ny atsinanana no natao hisantatra 57 -- Folo lahy sina, tsy nandrenesam-peo -- 58 Ny anton-draharaha tsy mbola fantatra, 59 Anton' ny niaviana, nifamoriana teo. 60 Ireo folo lahy aloha voavaka 61 Dia nandroso nitsaotsaoka toa hisaotra ; 62 Nampijoroina, toa amoron-davaka, 63 Teo an-tetezana nanitsy an' Alaotra. 64 Nalahatra tsara niamboho rano ireo ; 65 Nasiany sarona ny tapany ambony 66 Araka ny baiko azony teo no ho eo, 67 Dia sarona efa nivatsiany, gony. 68 Soanagaly mpampanjaka horohoro, 69 Folo koa, vonona amin-tifitra rere, 70 Nikendry anoloana, niandry ny hoe : “Doro” ! 71 No hampidaboka ireo any Sahabe. 72 Mova tsy nitana aina ny tontolo 73 Nanaraka ny fiomanana rehetra, 74 Fa nony ny folo novonoin' ny folo 75 Ny fiandrasana niova ho hararetra. 76 Ny rivotra re ho nihovitrovitra, 77 Ny habakabaka toa hikoa, hikoro, 78 Ny vohon-tany zary triatra, rovitra, 79 Ny velona niampify, nihorohoro. 80 Fa ny famonoana nitohy ihany ; 81 Nangalana ny ankilany sy andaniny, 82 Dia nasesy samy tsifolofolo hatrany ; 83 Ny tonia, tsy nisy iray nodinganiny. 84 Maty hena ireo niandry izay anjarany, 85 Indrindra ny efa akaiky hampandrosoina ; 86 Ny tifitra raha ny nitsaharany 87 Dia nony tsy nisy koa ny hovonoina. 88 Gaga ny trondro, talanjona ny voay, 89 Toy ireo nahita tsy fahita ihany ; 90 Fa, taorian'ny riatra sy daonan-drano iray, 91 Izy koa nivadika aina lozan-tany. 92 -- Nahavita hadisoana angaha, hono, 93 Hoy ny fony iray nilaza ny mba reny, 94 Ireo zary olon-dia nampiharim-bono, 95 Toa hoe tsy lefitra ny hadisoam-beny ! 96 -- Nangalatra sy namaky trano ireo ve, 97 Hoy ny foza, sa koa nahafaka aina ? 98 -- Tsia, hoy ny mpilaza, nandà ny lehibe 99 No helok'ireo, nalaina hoziogaina ! 100 -- Ratsy izany ve ? hoy ny toho keliray, 101 Raha mba mitraka dia hafoy ny aina ? 102 -- Mahadiso kosa izany, hoy ny voay. 103 Nadinika no hiseho ho be saina ! 104 Fa ny nampandroso ny folo isan' ila 105 Dia Vazaha tarehin' ny maika lava, 106 Hafa tsy tahaka ireto miaramila 107 Fa be rebareba sy volombava. 108 Izy no nandahatra eo avaratra, 109 Nibaiko, morainy edrey nila tsy ho re, 110 Nitso-drano ireo hitselaram-baratra 111 Amin' ny vokovoko marika faobe. 112 -- Olo-masina iny, hoy ilay mpilaza, 113 Manao an-tratra ny andraikitra niantsoana, 114 Manadio amin'ny ratsy tsy sahaza 115 Ireto efa diso imbetsaka miantoana. 116 -- Izay, hoy ny voay feno fahendrena, 117 Sady hadisoana no koa fahotana 118 No nataon' ireo ninia namono tena ; 119 Soa fa misy tsy leo, tsy sasa-piatrana ! 120 Roapolo taona mihoatra aty aoriana, 121 Gaga ny trondro, talanjona ny voay, 122 Indrindra ireo zaza tsy ela nahariana, 123 Fa i Sahabe toa mihamarivo indraindray. 124 Rahefa ririnnina andro,masa-bary, 125 Ka ny tsindretra mandositra tandroho, 126 No ahatsapana izany mirahihary 127 Manaraka ny tetezan' Ambaiboho. 128 Ny renirano hatrizay tsy rototra 129 Dia eo vao mainka indray toa miroanahana, 130 Ny lalany, ohatra ny ho tototra, 131 No miseho ho sakana mibahana. 132 Fa mievotra, akaiky hanangasanga, 133 Misy tohitra koriana tsy hisosa, 134 Tazana noho ny tsi-fisian' antsanga 135 Taolam-potsy manao antonta miavosa. 136 Nony natao ve ny tetezan-kazo teo, 137 Sy nasiana lalam-by ho an'ny kraomita, 138 Nokaohina hiala ireo taolam-potsy ireo, 139 Noho ny famboaram-be tsy maintsy vita. 140 Teo ny trondro sy ny voay vao niaina, 141 Vita ny sakantsakana tambalana, 142 Tsaroany ho nisy hidy novohaina, 143 Na rano na izy samy mora lalana. 144 Ny hiangaviako anao izao mamaky ahy 145 Dia tsy hanaiky hamoy aina sanatria, 146 Na ho faty ray, iray tam-po, zaodahy, 147 Fa hisaina ireo natao sorona iray dia. 148 Raha mitraka ianao ankehitriny, 149 Sao dia antony mba niavian' izany re, 150 Toy ny rehetra naringana fahiny, 151 Ireo ripaka indray andro tao Sahabe ? |
| Mis à jour le 2025/09/13 |
|